නොකියවන්න මෙ'කව

ධ්වනි නගන ධ්වනිය බිම හෙළමි

අලංකෘත අලංකාරය අතහරිමි

විරිත් මත් ඈ සියලු අනංගය

හී සරක් සේ  

අතහරිමි

උදානය තෙපෙලමි

නිදහස්ය

කවිය

ප්‍රිය සහෘදය

නොකියවනු මැන

මෙ'කව

කියවිය හැකිද

කවිය

මහද පිපුණු කවිය

ලියැවිය නොහැක

මේ අකුරින්

මළ අකුරු මෘත දේහ

මළගම් ගියේ

උල්පත් පෑනෙනි

ඔබ ද කවියෙක්

නොම වේය  අනෙක් සරණක්

නොකියවනු මෙ'කවත්

මම කියෙව්වෙමි මෙ'කව

නොලියුවෙමි මෙ'කව

නොකියවා ඔබ මෙ'කව

කියවන්න ඔබ කවිය