ගංගා ගංගාව සේ ගලද්දී
මල මල් සේ පිපෙද්දී
ඔබ නිහඬය
ඔබ නිහඬය
විශ්වය අනන්තයෙ ගැටෙද්දී
සිතුවිලි සිතුවිලිය මවද්දී
ඇයි ඔබ නිහඬ
නිහඬ මිනිස
කුඩා දරුවන් නව ඇරඹුම් ගනිද්දී
රෝස අත්ලේ සමනලුන් වසද්දී
ඇයි ඔබ නිහඬ
නිහඬ මිනිස
සිය කවි සිරුර සොබාදහම
ආත්මයක් හා අවදි කරවද්දී
ඔබ නිහඬය
නිහඬ මිනිස
ප්‍රියාවිය සිය ලලිත ගීතය
නිම්නයේ අත හරිද්දී
ඔබ නිහඬය
උන්වහන්සේ සමාධිය සිඹ
අර්හන්ත වන සේක්!
ඒත් ඔබ නිහඬය
නිහඬ මිනිස
No comments:
Post a Comment